靚之初；慎清潔(三)

Part 3-最後是介紹Chung sum家中現有的去角質產品

雖然拍照得2件，我曾經用過的去角質產品當然唔止啦，所以Chung sum會搵返之前用過的同大家分享一下。






1. Olay Professional ProX exfoliating renewal cleanser $199 by Mannings

選購原因：被產品說明深深打動了，“專為煥新淨化肌膚研發，用後感覺清新柔滑。泡沫柔珠配方能充分清潔肌膚，並溫和去除老化角質……配方適合每天使用，無法加香精香料。”
因為我的膚質是混合偏乾，沒有天天使用，大約2星期一次，有時只用T-ZONE位，用後的確是塊面滑左。

使用時間：about 30 times, 已用半枝，會考慮回購。

2.      Beauty Formulas Blackhead Control Facial Scrub於英國long time ago購買大約港幣$40 by 某間drug store

選購原因：價錢便宜，而佢包裝上面印了好吸引我的字眼“Blackhead Control”“Salicylic Acid”“non-foaming”(用先洗面膏再用佢來局部使用，不會令皮膚過度清潔)。
佢講可以日日用，液體狀很易推，粒子幼細，用上面有少許涼涼地的感覺，都蠻舒服。所以我在英國一個星期都晚晚用佢來磨下個鼻，黑頭細左少少，出油有明顯減少。
諗返可能有關英國的氣候影響，返到香港keep住用過一段時間都無效果，結果而家用磨身，都很不錯，哈哈。

使用時間：1year，剩下4分1，結果香港有得買都會回購。

以下係我曾經用過的，而我又掉了，所以上網找來同大家分享既~

3.      Skin 79 crystal peeling gel around $70-80 by colourmix



選購原因：被包裝吸引，而家當時skin79 BB Cream好Hits，諗住佢都會好用啦，點知對於我會說唔係。欣賞佢成份含有幾種天然成份：Carica papaya(無花果木瓜)、Pyrus malus蘋果粹取物、Panax Ginseng Root Extract人參根萃取。而我不欣賞佢同時含有幾種較易引起敏感反應的成份：Alcohol Denat 變性酒精、PEG-8 聚乙二醇-8、Carbomer卡波姆。所以我沒有回購了。



使用時間：1year

4.      Skinfood Pineapple peeling gel    around $100   by skinfood




選購原因：朋友推介。天然纖維顆粒和蘋果萃取AHA成份，而鳳梨、蘆薈、馬齒莧萃取精華，可舒緩並改善不平滑且粗糙的肌膚。我覺得不好用，因為我睇唔到佢所說的效果：去除角質及毛孔內的粉刺，從底層亮起來，呈現晶瑩透亮。而且佢的價錢不便宜，所以不回購了。

使用時間：半年

5.      C.L Raspberry Peeling Gel  $49 by 彩豐行



選購原因：店內職員推介，熱賣產品。Chung sum買佢已經係4年前既時，而家連包裝都唔同左，但我對佢依然印象深刻，原因佢令我對peeling gel抗拒，亦是雷中之雷的雷品，不過人人的膚質都唔同，只屬個人意見。
佢係Chung sum的第一枝的peeling gel，職員叫我乾面用，但洗既時候大粒小粒的擦膠碎纏住眼眉毛同髮際，要逐粒拉返出來。而塊面洗左好奈都仲覺得有層膠係到，感覺很不乾爽。Chung sum亦覺得佢沒有去角質的效果，只是玩一玩把戲而已。
使用時間：2次

希望大家喜歡Chung sum分享，請繼續支持同推一下啦，謝謝！

靚之初；慎清潔(二)

靚之初；慎清潔(二)


Part 2-這次介紹一下Chung sum洗面產品








1.      Acne-aid liquid cleanser $59.9 by Watsons

選購原因：有一排額頭不停生粉刺，去睇醫生時開比我用來洗面。明顯減少了面油和粉刺，當然我同時有塗醫生開比我既藥膏啦，大約2個月已經無再生粉刺了，之後我就無keep住用佢，因為佢此終含有藥性，當的夏天or 長暗瘡的日子先會用。

使用時間：about 80 times，第2枝，會考慮回購。

2.      Squa facial foam $200 or above by HABA

選購原因：溫和，一年四季都適合使用，洗完之後覺得塊面白左少少，毛孔乾淨，又唔會有繃繃緊的感覺。起泡力強，一粒青豆的size就可以洗整塊面連下顎，雖然價錢貴，但一枝可以用足4-5個月。

使用時間：over 3年，已用第6枝，會再回購。

3.      Baking powder pore cleansing foam 於韓國購買大約港幣$50 by Etude house

選購原因：去旅行莫過於買新野，去韓國又點少得去Etude house敗家呢~Sales 姐姐好有誠意介紹Chung sum買這枝洗面膏，她說香港空氣質素差，需要…….當時聽落好有道理就買左。用後感亦不錯，不過佢只適合混合偏油的肌膚使用，敏感同乾性的膚質諗都唔使諗啦，絕對唔適合你地，洗完覺得乾同出多左油的。

使用時間：3-4個月，已用半枝，考慮不回購。

第二部份既洗面產品已經介紹完，下則係去角質的產品。
希望大家喜歡Chung sum分享，請繼續支持同推一下啦，謝謝！

靚之初；慎清潔(一)

以下係我依家屋企有的清面產品，當中有待續用了4年幾，我會分3 parts同大家講下先~





Part 1-首先，介紹一下chung sum卸妝產品：




1.      Divinia amino acid cleansing milk $34.9 by Watsons

選購原因：先因為價錢吸引Chung sum，試完發覺超讚喔！非常適合懶人使用，卸妝能力強，一take過把waterproof  eyeliner 同MJ mascara，洗完塊面好乾爽。

使用時間：半年，已用第2枝，會再回購。

2.      Bioderma Hydrabio H2O cleansing micelle solution $198 by Mannings

選購原因：當沒有化妝的日子，Chungsum會用佢來卸掉防曬。這枝比紅色蓋那枝用後更覺水潤，很適合秋冬使用喔~

使用時間：2年，已用第3枝，會再回購。

3.      Aqueous cream $29.9 by Watsons

選購原因：有次皮膚敏感，醫生建議用一種叫水溶性乳霜代替沖涼液。佢的成份單純，功能是能夠清潔且滋潤皮膚，價錢非常便宜，用量多都唔會心痛。
至此，Chung sum每年冬季都要有佢來看門口，早上用來代替一般洗面膏，放工之後亦會用佢來卸妝！是，卸妝亦得。大家有沒有聽過冷霜cold cream？佢跟Pony’s 和Neutrogena 的cold cream用法差不多，用紙巾/卸妝棉輕輕抺走，如果還留有殘妝，會再用多次，之後過清水，Chung sum用完塊面乾淨之餘，又唔會繃繃緊。

使用時間：4年幾，未必每次都回購同一個牌子，基本上天下間的水溶性乳霜成份都九不離十，只是產地不同而已，會再回購。

4.      Shu uemura green tea cleansing oil $235 by Shu uemura

選購原因：用了Fancl的cleansing oil一段長時間，心想試下其他牌子的cleansing oil，而當時Shu uemura這款cleansing oil在網上很流行，有Blogger話佢仲可以減少黑頭形成，所以就買了。結果，令到我臉上長了不少粉刺。佢的卸妝能力跟Fancl一樣出色，但真係唔知點解Chung sum既膚質同佢好唔夾，而我果時又無試到其他新產品，所以我用佢來清潔我的化妝工具，最近終於用完啦~

使用時間：約30次，第一枝亦是最後一枝，不會回購。


第一部份既卸妝產品已經介紹完，下則係洗面產品，請大家繼續支持，謝謝！